بواسطة : سليم مهمل السلمي
12:06 م - 2016/12/20 - 352 views
قصيدة الشاعر الأمير: خالد الفيصل
ياهْل القلـم والشّـان ردّوا التّهـايم
عدوانكـــم استأجـــروا كل كــذّاب
إلى متــى ما غيــر نَقــرا الظلايم؟
وِاعلامنــا يــزوّد القـــــــوم باسبـــاب
لا تنثــرون المــال بيـــن الهــلايم
إستثمـــروا في عقــول قـاده وكتاب
وحطّوا مراكز بحث للشّـور دايم
تقودها قدراتــنا وبعــض الاصحاب
ولا تستهينــــوا بادّعــاء الخصايم
ترى الكِــذِب إذا لقـى إذن جذّاب
تقَــاســمــــونا بالخــــرايط وَلَايـــم
ونْصدّق التّطمــين من كاَشِر النّاب
ترى المســـا نذير فجـــر العظـايم
تحــزّموا لْقــــادم الـــوقت بحســاب
من ضيّــع الفرصـــه دَهَته الهزايم
ومـن لا يجهّز لـ اخْطَر أيامها خاب
اليـــوم ما هـــو يـــوم لــومٍ ولايـــم
اليـــوم للّـــي يرفـــع الـــرّاس حـرّاب
وانا ادري إن الكل بالمجد هايم
وكـــلٍ لـــعز الـــدّار بالــروح وهّـاب
مجاراة الشاعر الأستاذ : حامد جابر السلمي
يـا سيــدي خــالد قــوي العـزايــــم
قــولك صحيــح ويحسبــه كــل حســــاب
وعربـاننـا مـا بيـن صاحـي ونـايــم
واعـلامنــا في منهجه صار مـرتــــاب
أشــوف واسمــع والدلايــل وسايــم
والعلــــم وسمـــه بيــن قـــاري وكتّـــاب
كــل يبـي من دار. يعــرب غنــايـــم
تـوافقــوا في الـــراي عــدوان واحبــاب
لكــن عــز الــدين والـــدار قـايـــــم
بـأمــر الـولـي حــلال تعقيـد الانشــــاب
نبــرم لـهم مـن شــورنـا مـا يــلايـم
تفكيـرهـم لـو يحجــب العـــلم بحجــاب
ونعــد جيـــش مـا يعــرف الهــزايـم
يقــــدم علـى العــــدوان مــاهو بهيـــاب
جيــش يــدك حصـون قــوم العمـايـم
ويــزلـزل البــاغين مـن كـل الأحــزاب
ونبنـي وطـن في المجـد مالـه ملايـم
على هـدى المرسـول من رب الاربـاب
أنهـى العـرب مـا دام تـذري النسايـم
عـن نومــة مـا بيــن الاظفـار والنـــاب
لازم علينـــا يـا رجــــال اللــزايـــــم
حمايـــة الأوطـــان مـن كــل نصــــاب
ونسمـــع كــلام مأمنيــن الخــرايــــم
اللي بــدو للمجــــد مـع كــل مرقــــاب
أميـرنــــا خــالد وقــــوم القــدايــــــم
وأهـل الفكــر شبـاب وإن كـان شيّـــاب
وقــت الدفـى ولا في وقــت السمايــم
نفخـــر بقادتنــا علـى كيـف مـا طـــا
أعجبنى
(0)لم يعجبنى
(0)
الديوان الملكي: خادم الحرمين يدعو إلى إقامة صلاة الاستسقاء في جميع أنحاء المملكة يوم غدٍ الخميس
